అప్పటికప్పుడు వేడిగా...

చలి మొదలయిపోయింది. ఎంత వేడిగా వండి వడ్డిద్దామనుకున్నా భోజనాల బల్లమీద కూర్చునే సరికి వంటకాలన్నీ చల్లారిపోతుంటాయి. తిరిగి వాటిని వేడిచేయాలంటే వేరే పాత్రలోకి తీసుకుని పొయ్యిమీద పెట్టాలి. మళ్లీ వాటన్నింటినీ తోముకోవాలి. ఇంత పనిలేకుండా... మీరే సమయంలో నైనా వేడిగా తినాలనుకుంటే ఈ గ్రేవీ వార్మర్‌ మీ దగ్గర ఉంటే చాలు. చూడ్డానికి చక్కని సెరామిక్‌ బౌల్‌లా ఉంది కదా! అదే దీని ప్రత్యేకత. వండిన వంటలని ఈ బౌల్‌కి తీసుకుంటే చాలు. దీనికి అడుగున కరెంట్‌తో పనిచేసే ఒక బేస్‌ ఉంటుంది. దానికి కాసేపు ఛార్జింగ్‌ పెట్టి తీసేస్తే చాలు. ఈ బేస్‌పై వార్మర్‌ని ఉంచితే గంటపాటు వంటకాలు వేడిగా ఉంటాయి. డైనింగ్‌ టేబుల్‌పై తక్కువ స్థలంలో అందంగా అమరిపోతుంది.