వీటిని ఫ్రిజ్‌లో పెట్టకూడదు తెలుసా..

ఇంట్లో అదనంగా ఉన్న పదార్థాలన్నీ ఫ్రిజ్‌లో పెట్టేస్తాం. అలా అయితే పాడవకుండా తాజాగా ఉంటాయనేది ఒక కారణమైతే, బయట ఉంటే పురుగు చేరదనేది రెండో కారణం. కానీ కొన్నిటిని ఫ్రిజ్‌లో పెట్టనేకూడదు. వాటిల్లో యాపిల్‌, ఉల్లిపాయలు, వెల్లుల్లి, అరటిపండ్లు, బంగాళాదుంపలు, కమలాపండ్లు, ద్రాక్ష, బెర్రీపండ్లు, పుచ్చకాయ, తేనె, వెన్న, కాఫీపొడి, టొమాటోలు, కీరాదోస, ఆలివ్‌నూనె, కరివేపాకు, పసుపు, టొమాటో కెచప్‌, సోయా సాస్‌, పీనట్‌ బటర్‌, బాదంపప్పు, జీడిపప్పు, వాల్‌నట్స్‌ ముఖ్యమైనవి. వీటికి రిఫ్రిజిరేటర్‌ ఉపయోగించడం మంచిది కాదని అధ్యయనాలు చెబుతున్నాయి. అలాగే మనం చపాతీలు, పూరీల కోసం కలిపిన గోధుమ పిండి మిగిలితే ఇంకోరోజు చేసుకోవచ్చని ఫ్రిజ్‌లో పెడుతుంటాం. కానీ అలా పెట్టిన పిండికి సూక్ష్మక్రిములు చేరతాయని నిపుణులు చెబుతు న్నారు. కనుక అవసరమైనంత పిండే కలుపుకోవడం ఉత్తమం.