బాదం తిందాం.. ఆరోగ్యంగా ఉందాం..

మాంగనీస్‌, మెగ్నీషియం, పీచు, ఆరోగ్యకరమైన కొవ్వు, విటమిన్లతో బాదంపప్పు మంచి పోషకాహారం. ఇందులో యాంటీఆక్సిడెంట్లు కూడా అధికంగా ఉన్నాయి. ఇది రోగనిరోధక శక్తిని పెంచుతుంది. ముఖ్యంగా ఈ వర్షాకాలం సాధారణంగా వచ్చే అనారోగ్యాల బారిన పడకుండా ఉండాలంటే రోజూ ఐదారు బాదం గింజలు తినడం అలవాటు చేసుకోవాలి. చర్మం ముడతలు పడదు, మెరుపు, మృదుత్వం వస్తాయి.కంటి కింద వలయాలు నయమవుతాయి. దాంతో వయసు మీదపడినట్లు అనిపించదు. గుండె జబ్బులనే కాక.. క్యాన్సర్‌, అల్జీమర్స్‌ లాంటి భయానక వ్యాధులనూ నిరోధిస్తుంది. బ్లడ్‌ షుగర్‌ స్థాయిని నియంత్రిస్తుంది. జీర్ణ వ్యవస్థ సవ్యంగా ఉంటుంది. జీవ ప్రక్రియ బాగుంటుంది. టైప్‌ 2 డయాబెటిస్‌ అదుపులో ఉంటుంది. కొలెస్ట్రాల్‌ స్థాయిని తగ్గిస్తుంది. రక్తపోటును నివారిస్తుంది. ఇందులో ఉన్న పోషకాల వల్ల త్వరగా ఆకలి వేయదు. కొన్నే తిన్నా దండిగా ఉన్నట్లుంటుంది. అలా అధిక ఆహారం తీసుకోం కనుక.. ఊబకాయం రాదు. బరువు తగ్గాలనుకునేవారు బాదం తీసుకోవడం మంచిది. మెదడు చురుగ్గా ఉంటుంది. ఎనీమియా రాదు. నరాలకు మంచిది. కురులు దృఢంగా ఉంటాయి.  పులిపిరి కాయలు తగ్గుతాయి. మన వయసు, ఆరోగ్యం, శరీర తత్వాలను బట్టి రోజుకు మూడు గింజల నుంచి 12 వరకూ తినొచ్చు.