కంచెలు వేయొద్దు

దేవుణ్ణి ప్రేమిస్తే ఇక అన్నిటినీ ప్రేమించినట్టే. ఎందుకంటే దేవుడిలో మనిషి కూడా ఉన్నాడు. కనుక దైవం మీది ప్రేమ మనిషికీ వర్తిస్తుంది. అలాగే సాటి మనుషులను ప్రేమించడం అనేది దేవుడికీ చెందుతుంది. దైవారాధన ప్రేమించటంగా కనిపిస్తుంది. మనిషి పట్ల సేవాభావం, దయాగుణం, కనికరం రూపంలో కనిపిస్తాయి. బైబిల్‌ పాత నిబంధనలో పది ఆజ్ఞలు ఉన్నాయి. కొత్త నిబంధనలో వాటి సారాన్ని రెండు ఆజ్ఞల్లో  సంక్షిప్తంగా చెప్పాడు- ‘పూర్ణ హృదయంతో, పూర్ణాత్మతో, పూర్ణమనసుతో దేవుడైన ఏసు ప్రభువును ప్రేమించాలి’ (మత్తయి 22:37) ‘నీ వలెనే నీ పొరుగువారిని ప్రేమించు’ (మత్తయి 22:39) మొదటిది దైవ ఆరాధనకు, రెండోది మానవ ప్రేమకు సంకేతం. మనిషిలో దేవుణ్ణి, దేవుడిలో మనిషినీ చూడాలన్నదే భావన. చుట్టూ ఉన్నవారికి కంచెలు వేసి, దూరమవకుండా ప్రేమించాలన్నది సందేశం.
డా.దేవదాసు