పరమాత్మ చైతన్య స్వరూపం

ఇద్దరు శిష్యులు పరమానందయ్య పాదాలు ఒత్తుతున్నారు. ఇంతలో ఒక కాలు గురువు రెండో కాలికి తగిలింది. గురువు కాలిని తన్నాడంటూ రెండో శిష్యుడు తన చేతిలో ఉన్న కాలిని రెండో కాలిమీద ఎత్తి పడేశాడు. పరమానందయ్యకి మెలకువ వచ్చి, ఏమైందని అడిగారు. శిష్యులు విషయం వివరించి.. ఇద్దరికిద్దరూ తన కాలే గొప్పది అన్నారు. గురువుకు కోపం ముంచుకొచ్చినా, తమాయించుకుని.. ‘కాళ్లు-చేతులు, కళ్లు-చెవులు అంటూ వేరువేరుగా కనిపించినా వాటిని చైతన్యపరిచేది పరమాత్మేనని గ్రహిస్తే మీరిలా వాదులాడుకోరు. ఒక కాలు మరో కాలికి తగలడం అనేది ఎంత అల్పవిషయమో తెలుసు కుంటారు. దేహంలోని ఏ అవయవం మరో అవయవంతో కలహించదు, హింసించదు. లోకం భగవత్‌ స్వరూపమైతే మనమంతా అవయవాల వంటి వాళ్లం. అందువల్ల మనం కోపాలూ ద్వేషాలూ మాని సర్వ ప్రాణుల పట్ల ఆదరం, అభిమానం చూపాలి’ అంటూ హితవు పలికారు.

లక్ష్మి