రెపోరేటు మార‌లేదు

వరుసగా మూడోసారి యథాతథ స్థితిని కొనసాగిస్తూ, రిజర్వ్ బ్యాంక్ ఆఫ్ ఇండియా (ఆర్‌బీఐ) రెపో రేటును 4 శాతం వద్ద య‌థావిధిగా నిర్ణ‌యించింది. రివ‌ర్స్ రెపో రేటు 3.35 శాతం, బ్యాంక్ రేటు 4.25 శాతంగా కొన‌సాగ‌నుంది. రేట్లు స్థిరంగా ఉండటానికి క‌మిటీ ఏకగ్రీవంగా ఓటు వేసింది.

అక్టోబర్‌లో జరిగిన పాలసీ స‌మావేశంలో కూడా, రిటైల్ ద్రవ్యోల్బణాన్ని దృష్టిలో ఉంచుకుని రిజర్వ్ బ్యాంక్ కీలకమైన రెపో రేటును మార్చలేదు. ఇప్పుడు కూడా బెంచ్‌మార్క్‌ రెపో రేటు 4 శాతం వద్దే కొన‌సాగించింది.
ఆర్‌బీఐ ద్రవ్య విధానం ప్రత్యక్ష నవీకరణలు:
వ‌చ్చే మూడు, నాలుగు త్రైమాసికాల్లో వృద్ధి సానుకూలంగా న‌మోద‌వుతుంద‌ని ఆశిస్తున్న‌ట్లు శ‌క్తికాంత‌దాస్ చెప్పారు. అనేక రంగాలు కోలుకుంటుండ‌టంతో వృద్ది పుంజుకుంటుంద‌ని తెలిపారు. 2021 లో జీడీపీ వృద్ధి -7.5 శాతం వద్ద ఉంటుందని ఆర్‌బీఐ అంచనా వేసింది మరింత బలోపేతం కావాలంటే గ్రామీణ డిమాండ్‌ కోలుకోవాలని చెప్పింది. 2021 రెండవ భాగంలో రికవరీకి కొత్త సంకేతాలు కనిపిస్తాయని శ‌క్తికాంత‌ దాస్ చెప్పారు. ఆర్థిక వృద్ధిని ప్రోత్సహించడానికి అవసరమైనంతవరకు వసతి వైఖరిని కొనసాగించాలని క‌మిటీ నిర్ణ‌యించింద‌ని గవర్నర్ దాస్ వెల్ల‌డించారు. 2020 సంవత్సరం చాలా సవాలుగా ఉందని ఆర్‌బీఐ పేర్కొంది కోవిడ్-19 సంక్షోభం ఆర్థిక వ్య‌వ‌స్థ‌పై తీవ్ర ప్ర‌భావం చూపింద‌ని తెలిపింది. స్పానిష్ ఫ్లూ, 1930ల మ‌హా మంద్యాన్ని మించిపోయింద‌ని తెలిపింది.