జగ్గయ్యపేట వద్ద కారులో భారీగా మద్యం 

కారుపై దుర్గగుడి పాలకమండలి సభ్యురాలి పేరుతో బోర్డు

జగ్గయ్యపేట: కృష్ణా జిల్లా జగ్గయ్యపేట సీతారాంపురంలోని ఓ అపార్టుమెంట్‌లో నిలిపి ఉంచిన కారులో భారీగా మద్యం సీసాలు ఉన్నట్లు పోలీసులు గుర్తించారు. మద్యం సీసాలు లభ్యమైన కారుపై విజయవాడ దుర్గామల్లేశ్వర స్వామి ఆలయ పాలకమండలి సభ్యురాలి బోర్డు ఉండటం కలకలం రేపుతోంది. దీనిపై పోలీసులు విచారణ చేపట్టారు. మద్యం సీసాలు కారులోకి ఎలా వచ్చాయి? ఎవరు తీసుకొచ్చారు? అనే కోణంలో ఎస్‌ఈబీ, పోలీసులు దర్యాప్తు చేస్తున్నారు. ఈ విషయంపై ఇప్పటి వరకు పోలీసులు ఎలాంటి వివరాలూ వెల్లడించలేదు.