భాజపా నేత జితేందర్‌రెడ్డి నివాసం నుంచి డ్రైవర్‌ సహా నలుగురి కిడ్నాప్‌

దిల్లీ: తెలంగాణకు చెందిన భాజపా నేత, మాజీ ఎంపీ జితేందర్‌రెడ్డి నివాసంలో అపహరణ  ఘటన కలకలం రేపింది. దిల్లీ సౌత్‌ అవెన్యూలోని ఇంట్లో నుంచి కారు డ్రైవర్‌తో పాటు మరో ముగ్గురు గెస్ట్‌లను గుర్తు తెలియని వ్యక్తులు అపహరించినట్టు పోలీసులకు ఫిర్యాదు అందింది. దిల్లీ వచ్చినప్పుడు సౌత్‌ అవెన్యూలోని 105 నివాసంలో జితేందర్‌రెడ్డి ఉంటారు. గత 3 రోజులుగా ఆయన నివాసంలో కొందరు గెస్ట్‌లు ఉంటున్నారు. ఈక్రమంలో జితేందర్‌రెడ్డి కారు డ్రైవర్‌ తో పాటు ముగ్గురు గెస్ట్‌లను బలవంతంగా తీసుకెళ్లినట్టు సీసీటీవీల్లో నమోదైంది. ఈమేరకు దిల్లీ సౌత్‌ అవెన్యూ పీఎస్‌లో జితేందర్‌రెడ్డి వ్యక్తిగత సిబ్బంది ఫిర్యాదు చేశారు. దీనిపై కేసు నమోదు చేయాలా? వద్దా?అనేదానిపై కొంత సందిగ్ధత నెలకొంది.