ప్రభుత్వం మారకపోతే సామాన్యులకు ఇబ్బందులు

ఈతరొబ్బలులో యువతతో మాట్లాడుతున్న భాజపా యువమోర్చా జిల్లా ప్రధాన కార్యదర్శి శేఖర్‌

గూడెంకొత్తవీధి, న్యూస్‌టుడే: రానున్న ఎన్నికల్లో కూటమి అభ్యర్థుల గెలుపుతోనే గిరిజన గ్రామాల అభివృద్ధి సాధ్యమవుతుందని భాజపా అరకు పార్లమెంట్‌ యువ మోర్చా జిల్లా ప్రధాన కార్యదర్శి కాకురి శేఖర్‌ అన్నారు. ఈతరొబ్బలు గ్రామంలో బుధవారం ఆయన పర్యటించి గ్రామస్థులతో మాట్లాడారు. కేంద్ర ప్రభుత్వం ఇచ్చే నిధులను రాష్ట్ర ప్రభుత్వం సొంత ప్రచారానికి వినియోగించడం వల్ల గ్రామాలు అభివృద్ధికి దూరంగా ఉన్నాయని చెప్పారు. రాష్ట్రంలో ప్రభుత్వం మారకపోతే సామాన్యులు మరింత ఇబ్బందులు పడతారన్నారు. అరకు పార్లమెంట్‌ భాజపా అభ్యర్థి కొత్తపల్లి గీతను గెలిపించాలని కోరారు. భాజపా మండల అధ్యక్షుడు వనపల జోగిరాజు, నాయకుడు మొట్టడం లక్ష్మణ్‌ తదితరులు పాల్గొన్నారు.