అరిటాకులు కోసుకొస్తూ అనంతలోకాలకు

చల్లపల్ల్లి, న్యూస్‌టుడే: బతుకు తెరువు కోసం అరటి ఆకులు తీసుకొచ్చేందుకు వెళ్లిన ఓ వ్యక్తి గుండె పోటుకు గురై ప్రాణాలొదిన సంఘటన స్థానికంగా విషాదం నింపింది. చల్లపల్లి మండలం పరిధిలోని వెలివోలుకు చెందిన పెనుముచ్చ బాబూరావు(56) వృత్తిరీత్యా అరటి ఆకుల వ్యాపారి. శనివారం అరటి ఆకులు తీసుకొచ్చేందుకు రావిలంక వెళ్లి తిరిగి వస్తుండగా గుండెపోటు రావడంతో మృతి చెందాడు. కృష్ణా నది మధ్యలో ఇసుక దిబ్బపై అరటాకుల కట్టపై పడి ఉన్న మృత దేహాన్ని గుర్తించిన గ్రామస్థులు కుటుంబ సభ్యులకు సమాచారం అందించారు. బంధువులు వెళ్లి చూడగా అప్పటికే మరణించి ఉన్నాడు. బాబూరావుకి తల్లి, భార్య, కుమారుడు, కుమార్తె ఉన్నారు.