సమస్యలు గడువులోపు పరిష్కరించండి

ఫిర్యాదు పరిశీలిస్తున్న జేసీ చేతన్‌

పుట్టపర్తి, న్యూస్‌టుడే: స్పందన అర్జీల పరిష్కారంలో నిర్లక్ష్యం వహించకుండా గడువులోగా పరిష్కారం చూపించాలని జేసీ టీఎస్‌ చేతన్‌ ఆదేశించారు. మంగళవారం శ్రీసత్యసాయి జిల్లా కలెక్టరేట్‌లో స్పందన కార్యక్రమం నిర్వహించారు. ప్రజల నుంచి 36 అర్జీలు అందాయి. జేసీతోపాటు డీఆర్వో కొండయ్య, ఆర్డీవో భాగ్యరేఖ, వివిధశాఖల అధికారులు అర్జీలు స్వీకరించారు. పుట్టపర్తి పట్టణంలోని కుమ్మరపేటకులో డోర్‌ నెంబర్‌ 3-179లో నివాసం ఉంటున్నానని, రేషన్‌కార్డు మంజూరు చేయాలని రామకృష్ణ కోరారు. గోరంట్ల మండలం బూదిలి సర్వే నెంబర్‌ 125లో 14.07 ఎకరాల భూమి ఉందని, ఇందులో 1.57 భూమి వివాదాస్పదంగా ఉందని, సర్వే చేసి సరిహద్దులు ఏర్పాటు చేయించాలని హిందూపురం  పట్టణానికి చెందిన షేక్‌కళా, ఫకృద్దీన్‌ వినతి పత్రం అందించారు.