పలువురు తహసీల్దార్లకు స్థానచలనం

జిల్లా సచివాలయం, న్యూస్‌టుడే: జిల్లాలో పనిచేస్తున్న పలువురు తహసీల్దార్లకు రెండోవిడత బదిలీలు జరిగాయి. ఈ మేరకు కలెక్టర్‌ గౌతమి ఉత్తర్వులు జారీ చేశారు. కలెక్టరేట్‌ పరిపాలనాధికారి విజయలక్ష్మిని డ్వామాకు బదిలీ చేశారు. కలెక్టరేట్‌ కేఆర్‌సీసీలో ఉన్న ఈశ్వరయ్యశెట్టిని మెజిస్టీరియల్‌ విభాగం పర్యవేక్షకుడిగా, శ్రీసత్యసాయి జిల్లాలో పనిచేస్తున్న నీలకంఠారెడ్డిని అనంతపురం కలెక్టరేట్‌ కేఆర్‌సీసీ విభాగానికి, కలెక్టరేట్‌లోని మెజిస్టీరియల్‌ సెక్షన్‌ పర్యవేక్షకుడు తిరుమలరెడ్డిని అనంతపురం ఆర్డీఓ కార్యాలయ ఏఓగా బదిలీ చేశారు. ఇక్కడ ఏఓగా పనిచేస్తున్న సి.విశ్వనాథ్‌ను యాడికి తహసీల్దారుగా బదిలీ చేశారు.. కానీ, డిప్యుటేషన్‌పై అనంతపురం కలెక్టరేట్‌లో నియమించారు. యాడికి తహసీల్దారు జి.అలెగ్జాండర్‌ కలెక్టరేట్‌లోని భూసంస్కరణల ప్రత్యేక తహసీల్దారుగా బదిలీ చేశారు. తదుపరి ఉత్తర్వులు వచ్చే వరకు అక్కడే కొనసాగాలని ఉత్తర్వులు జారీ చేశారు.