కల్యాణ వైభోగమే..

పుట్టపర్తి, న్యూస్‌టుడే : పుట్టపర్తిలోని ప్రశాంతి నిలయంలో జానకీరాముడి కల్యాణోత్సవం వేలాది మంది భక్తజనం నడుమ వైభవపేతంగా జరిగింది. సాయికుల్వంత్‌ మందిరంలో శ్రీరామనవమి పర్వదినాన్ని పురస్కరించుకుని సీతారామచంద్రుల కల్యాణ మహోత్సవాన్ని కనుల పండువగా నిర్వహించారు. ఉదయం 8 గంటలకు సీతారాముల కల్యాణానికి పట్టువస్త్రాలను సత్యసాయి ట్రస్టు మేనేజింగ్‌ ట్రస్టీ ఆర్‌.జె.రత్నాకర్‌, హిమవాహిని దంపతులు అందజేశారు. కల్యాణం తిలకించిన దేశ, విదేశీ భక్తులు పరవశించిపోయారు. సాయంత్రం గాయత్రీనారాయణ్‌ బృందం సంగీత కచేరి నిర్వహించారు.