నేడు కణేకల్లులో చంద్రబాబు సభ

అనంతపురం(వ్యవసాయం): ఎన్నికల ప్రచారంలో భాగంగా తెదేపా అధినేత చంద్రబాబు శుక్రవారం అనంతపురం జిల్లా కణేకల్లుకు రానున్నారు. సాయంత్రం 4.50 గంటలకు ఆలూరు అగ్రహారం కొండవద్ద హెలీకాప్టర్‌లో బయలుదేరి 5.10 గంటలకు కణేకల్లు క్రాస్‌ హెలీప్యాడ్‌కు చేరుకుంటారు. 5.15 గంటలకు హెలీప్యాడ్‌ నుంచి రోడ్డు మార్గాన బయలుదేరి 5.25 గంటలకు కణేకల్లు బస్టాండ్‌ సెంటర్‌కు చేరుకుంటారు. 6.00-7.30 గంటల వరకు బహిరంగ సభలో పాల్గొంటారు. 7.40 గంటలకు అక్కడి నుంచి బయలుదేరి, శ్రీవిద్యానికేతన్‌ ఇంగ్లీషు మీడియం ఉన్నత పాఠశాలకు చేరుకుంటారు. రాత్రికి అక్కడే బస చేస్తారని తెదేపా వర్గాలు తెలిపాయి.