దేవుడి భూమినీ గుల్ల చేశారు

21 ఎకరాలకు మిగిలింది రెండె

నెలగొండరాయుడుస్వామి ఆలయ భూమిలో ఇష్టారాజ్యంగా చేసిన తవ్వకాలు

పెద్దవడుగూరు, న్యూస్‌టుడే : జిల్లాలోని పెద్దవడుగూరుకు కూతవేటు దూరంలో ఉన్న నెలగొండరాయుడుస్వామి ఆలయానికి సంబంధించిన సర్వే సంఖ్య 777-ఎలోని 21.04 ఎకరాల ఎర్రనేల భూముల్లో వైకాపా నేతల కన్ను పడింది. అధికార పార్టీకి చెందిన కొందరు ఇష్టారాజ్యంగా ఎర్రమట్టిని తరలించి సొమ్ము చేసుకున్నారు. గడచిన ఐదేళ్లలో సాగులో ఉన్న ఆలయ భూమిలో ప్రవేశించి అక్రమార్జనకు తెరలేపారు. ప్రస్తుతం ఆలయ భూమి ఆనవాలు లేకుండా చేశారు. మాన్యం ఆనవాళ్లు కోల్పోవడంతో ఆలయ అధికారులు కౌలుమాటే మరిచిపోయారు. ఎర్రమట్టి తవ్వకాలతో భూమి రూపు కోల్పోయి 21 ఎకరాల్లో రెండు ఎకరాలు మాత్రమే మిగిలింది. ఈవిషయంపై దేవదాయశాఖ ఈవో నాగేంద్రుడును వివరణ కోరగా ఆలయ భూమిలో భారీగా అక్రమ తవ్వకాలు జరిపారు. ఇదివరకే పోలీసుస్టేషన్‌లో ఫిర్యాదు చేశామన్నారు. ఉన్నతాధికారుల దృష్టికి తీసుకెళ్లి తగు చర్యలు తీసుకుంటామని వివరించారు.