ప్రపంచానికి గోవు ప్రాధాన్యం తెలియజేయాలి

గోవుకు దాణా తినిపిస్తున్న గోపీనాథ్‌జెట్టి. చిత్రంలో పోకల అశోక్‌కుమార్‌, డాక్టర్‌ కె.హరినాథరెడ్డి తదితరులు

తిరుపతి (గ్రామీణ), న్యూస్‌టుడే: గోవుప్రాధాన్యతను ప్రపంచానికి తెలియజేయాల్సిన అవసరం ఎంతైనా ఉందని తితిదే పాలక మండలి సభ్యులు పోకల అశోక్‌కుమార్‌, సీవీఎస్వో గోపీనాథ్‌జెట్టి పేర్కొన్నారు. తిరుపతి ఎస్వీ గోసంరక్షణశాలలో ఆదివారం కనుమ పండుగ నేపథ్యంలో గోమహోత్సవాన్ని నిర్వహించారు. ఈ సందర్భంగా వారు మాట్లాడుతూ మన సంస్కృతి, సంప్రదాయాలను యువత భవిష్యత్‌ తరాలకు అందించాలన్నారు. గోఆధారిత వ్యవసాయంతో భూమాత, గోమాత, సమాజం సురక్షితంగా ఉంటాయని చెప్పారు. ప్రకృతిలోని వ్యత్యాసాన్ని గోవుద్వారా సరిచేయవచ్చన్నారు. అంతకుముందు వేణుగోపాలస్వామి ఆలయంలో పూజలు నిర్వహించారు. కార్యక్రమంలో ఎస్వీ గో సంరక్షణశాల సంచాలకులు డాక్టర్‌ కె.హరినాథరెడ్డి, మేనేజర్‌ డాక్టర్‌నాగరాజు పాల్గొన్నారు.