సీఎంసీలో ఆరోగ్యశ్రీ వర్తింపజేయాలి

తహసీల్దార్‌ కార్యాలయం ఎదుట నిరసన వ్యక్తం చేస్తున్న సీపీఐ నాయకులు

గుడిపాల: మండలంలోని చీలాపల్లె సీఎంసీ ఆస్పత్రిలో రాష్ట్ర ప్రభుత్వం ప్రవేశపెట్టిన ఆరోగ్యశ్రీ పథకాన్ని పేదలకు వర్తింపజేయాలని సీపీఐ ఆధ్వర్యంలో సోమవారం తహసీల్దార్‌ కార్యాలయం ఎదుట నిరసన వ్యక్తం చేశారు. పార్టీ జిల్లా కార్యవర్గసభ్యుడు నాగరాజు మాట్లాడుతూ ఈ విషయంలో సీఎం జగన్‌ మోహన్‌రెడ్డి జోక్యం చేసుకోవాలన్నారు. ఎంతోమంది పేదలు ఈ ఆస్పత్రికి మెరుగైన వైద్యసేవల నిమిత్తం నిత్యం వస్తుంటారన్నారు. అనంతరం తహసీల్దార్‌ బాబూ రాజేంద్రప్రసాద్‌కు వినతిపత్రాన్ని అందజేశారు. సీపీఐ కౌన్సిల్‌ సభ్యుడు కె.మణి, చిత్తూరు నగర కార్యదర్శి సి.గోపీనాథ్‌, పూతలపట్టు నియోజకవర్గ నాయకులు సురేంద్రనాథ్‌, విజయకుమార్‌, చంద్ర పాల్గొన్నారు.