వారే ఒక సైన్యం

బియ్యం అక్రమ రవాణాను అడ్డుకున్న గ్రామస్థులు

కూసూరు వద్ద గ్రామస్థులు నిలిపివేసిన వాహనం ఇదే

కుప్పం గ్రామీణ, న్యూస్‌టుడే: తమిళనాడు రాష్ట్రం బరుగూరు పరిసర ప్రాంతం నుంచి మోట్లచేను మీదుగా కర్ణాటక రాష్ట్రానికి వెళుతున్న తమిళ బియ్యం వాహనాన్ని ఆదివారం సాయంత్రం గ్రామస్థులు అడ్డుకున్నారు. రోజూ తమిళ బియ్యం కర్ణాటకకు తరలిస్తున్న వాహనాలు గ్రామంలో అతివేగంగా వెళ్తుండటంతో ప్రమాదాలు జరిగే అవకాశం ఉందని గ్రామస్థులు గుర్తించారు. బియ్యం అక్రమంగా తరలిస్తున్న వాహనాన్ని అడ్డుకుని పోలీసు యంత్రాంగానికి తెలియజేశారు. స్పందించిన కుప్పం పోలీసులు ఆదివారం రాత్రి కూసూరు గ్రామానికి చేరుకుని బియ్యం తరలిస్తున్న వాహనాన్ని స్వాధీనం చేసుకున్నట్లు గ్రామస్థులు తెలిపారు.