స్పందన అర్జీలు వెంటనే పరిష్కరించాలి

అర్జీదారుతో మాట్లాడుతున్న జేసీ వెంకటేశ్వర్‌

చిత్తూరు కలెక్టరేట్‌: ప్రజా సమస్యలపై స్పందనలో వచ్చే అర్జీలను వెంటనే పరిష్కరించాలని జేసీ వెంకటేశ్వర్‌ సంబంధిత అధికారుల్ని ఆదేశించారు. కలెక్టరేట్‌లో సోమవారం జరిగిన స్పందనలో 324 వినతులు అందాయి. వీటిలో రెవెన్యూ సమస్యలు 189, పోలీసుశాఖ 4, గృహ నిర్మాణం 13, విద్యాశాఖ 3,  గనుల శాఖ 1, గురుకుల పాఠశాల 1, ఎక్సైజ్‌ శాఖ 1, డ్వామా 2, జడ్పీ 2, కార్మిక శాఖ 1, స్టాంపులు-రిజిస్ట్రేషన్‌ శాఖ 1, పౌరసరఫరాల శాఖ 1, జలవనరుల శాఖ 3, జిల్లా పంచాయతీ 2, సైనిక సంక్షేమం 1, పురపాలక 3, ఎల్‌డీఎం 1, ఇతర సమస్యలపై 10, రేషన్‌కార్డులు, పింఛన్లకు సంబంధించి 85 అర్జీలు అందాయి. డీఆర్‌వో రాజశేఖర్‌, ఇతర అధికారులు పాల్గొన్నారు.