నేటి నుంచి సూర్యపూజ మహోత్సవాలు

నాగలాపురం, న్యూస్‌టుడే: నాగలాపురం వేదనారాయణస్వామి ఆలయంలో శుక్రవారం నుంచి వార్షిక సూర్యపూజ మహోత్సవాలు ప్రారం భం కానున్నాయి. అయిదు రోజుల పాటు జరుగనున్న ఈ ఉత్సవాల్లో సూర్యకిరణాలు స్వామి మూలవిగ్రహాన్ని స్పృశించనున్నాయి. ఈ ఉత్సవాలతో పాటు శుక్రవారం మత్స్యజయంతి వేడుకలు నిర్వహించనున్నారు. తిరుపతి-చెన్నై జాతీయ రహదారి మార్గమధ్యలోని నాగలాపురం గ్రామంలో జరిగే వేడుకలకు జిల్లాతో పాటు తమిళనాడు నుంచి భారీ సంఖ్యలో భక్తులు హాజరుకానున్న నేపథ్యంలో తితిదే ప్రత్యేక క్యూలైన్లు, గ్రామ కూడళ్లలో చలువపందిళ్లను తితిదే ఏర్పాటు చేయించింది. ఈ నెల 24 నుంచి 28 వరకు నిత్యం తెప్పోత్సవాల నిర్వహణకు పుష్కరణి, తెప్పలు సిద్ధం చేశారు.