టౌన్‌బ్యాంకు అభివృద్ధికి చర్యలు

సమావేశంలో మాట్లాడుతున్న ఎమ్మెల్యే శ్రీనివాసులు

చిత్తూరు నగరం: చిత్తూరు కో-ఆపరేటివ్‌ టౌన్‌ బ్యాంకు అభివృద్ధికి చర్యలు చేపట్టామని ఎమ్మెల్యే శ్రీనివాసులు అన్నారు. గిరింపేట టౌన్‌బ్యాంకు శాఖలో ఆదివారం జరిగిన బ్యాంకు సర్వసభ్య సమావేశంలో ఆయన మాట్లాడారు. వందేళ్ల చరిత్ర కలిగిన టౌన్‌ బ్యాంకును ఖాతాదారులే రక్షించుకున్నారని గుర్తుచేశారు. బ్యాంకు ఛైర్మన్‌ రామగణేష్‌ మాట్లాడుతూ టౌన్‌ బ్యాంకు ద్వారా రూ.14కోట్ల డిపాజిట్లు ఇప్పటివరకు సేకరించామన్నారు. త్వరలో టౌన్‌బ్యాంకు ద్వారా ఏటీఎం కేంద్రాన్ని ఏర్పాటు చేయడానికి సన్నాహాలు చేస్తున్నట్లు తెలిపారు. బ్యాంకు సీబీఎస్‌ కోసం జేజేఐటీ కంపెనీ సమన్వయానికి కృషి చేసిన విశ్రాంత బ్యాంకు అధికారి అశోక్‌కుమార్‌ను ఎమ్మెల్యే సత్కరించారు. బ్యాంకు సీఈవో శ్రీనివాసన్‌, పాలకవర్గ సభ్యులు పాల్గొన్నారు.