ఈ రంగులు మారవా.. సార్‌..!

ఎన్నికల కోడ్‌ అమల్లోకి వచ్చి దాదాపు 12 రోజులు గడిచినా అధికారులు తమకేమీ పట్టనట్లు వ్యవహరిస్తున్నారు. కనీసం ఎన్నికల సంఘం అంటే కాసింత గౌరవం కాదుకదా.. భయం కూడా కొందరు అధికారుల్లో లేకపోవడం గమనార్హం. చిత్తూరు-పుత్తూరు ప్రధాన రహదారి పక్కనే ఉన్న వేల్కూరు రైతు భరోసా కేంద్రం నేటికీ వైకాపా రంగుల్లోనే ఉంది. అసలు దీనివైపు కన్నెత్తి చూసిన నాథుడే లేడు. ఒకప్పుడు ఎన్నికల కోడ్‌ ప్రకటించగానే నానా హడావుడి చేసి ఉరుకులు పరుగులు పెట్టే యంత్రాంగం.. ఈ విడత ఎన్నికల్లో ఇలాంటి చర్యలతో.. ఇలా కొందరు అధికారుల వ్యవహార శైలితో అభాసుపాలవుతోంది.

-న్యూస్‌టుడే, గంగాధరనెల్లూరు