రూ.3.30 లక్షల సొత్తు చోరీ

సామర్లకోట: పట్టణంలోని సత్యనారాయణపురంలో ఓ ఇంటిలో దొంగలు చొరబడి నగదు, బంగారు ఆభరణాలు చోరీకి పాల్పడిన ఘటన బుధవారం రాత్రి చోటు చేసుకుంది. పోలీసులు తెలిపిన వివరాల మేరకు.. సత్యనారాయణపురానికి చెందిన ఎంఎస్‌బీ భాస్కర్‌కుమార్‌ తన నివాసంలో అంతా కలిసి నిద్రిస్తుండగా.. గుర్తు తెలియని దుండగులు ఇంట్లోకి ప్రవేశించి బీరువాలో ఉంచిన రూ.1.30 లక్షలు, రూ.2 లక్షల విలువైన ఆభరణాలు అపహరించుకుపోయారు. అర్ధరాత్రి 12 గంటల వరకు మెలకువగా ఉన్నామని.. ఆ తరువాత అంతా ఒకే గదిలో నిద్రించామని, ఉదయం లేచి చూసే సరికి బీరువాలోని సొత్తు చోరీకి గురైనట్లు గుర్తించామని ఫిర్యాదులో పేర్కొనట్లు తెలిపారు. బాధితుడి ఫిర్యాదు మేరకు పెద్దాపురం సీసీఎస్‌ సీఐ బాలాశౌరి, సిబ్బంది గంగిరెడ్డి బలరాం, బుద్ధరాజు, క్లూస్‌ టీం బృందం ఘటనాస్థలాన్ని పరిశీలించి ఆధారాలు సేకరించారు. కేసు దర్యాస్తు చేస్తున్నామన్నారు.