భవానీ... వెళ్లొస్తాం

ఇంద్రకీలాద్రిపై దసరా శరన్నవరాత్రోత్సవాలు ముగిశాయి. సెప్టెంబర్‌ 26 నుంచి అక్టోబరు 5 వరకూ వేడుకలు జరిగాయి. ఆరంభంలో రోజుకు 50వేల మంది వరకూ భక్తులు తరలివచ్చారు. అక్టోబరు 2న మూలా నక్షత్రం రోజున అర్థరాత్రి ఒంటిగంట నుంచి విజయ దశమి వరకూ లక్షలాదిమంది దర్శించుకున్నారు. చివరి రోజు నుంచి భవానీభక్తుల రాక ఎక్కువైంది. 12లక్షల మందికి పైగా తరలివచ్చారు. విజయవాడలో ట్రాఫిక్‌ మళ్లించడంతో ఎక్కడికక్కడ వాహనాలు ఆగిపోయాయి. దసరా ఉత్సవాలు ముగిసిన తర్వాత గురు, శుక్రవారాల్లోనూ అమ్మవారు రాజరాజేశ్వరి దేవి రూపంలోనే భక్తులకు దర్శనమిస్తారు.  

- ఈనాడు, అమరావతి