సుత్తూరు జాతర రద్దు

 సంప్రదాయంగా ఉత్సవాలు

సుత్తూరు జాతర (పాతచిత్రం)

మైసూరు, న్యూస్‌టుడే : కరోనా ఆంక్షల నేపథ్యంలో సుత్తూరు జాతరను రద్దు చేసినట్లు మఠం వర్గాలు తెలిపాయి. సంప్రదాయం ప్రకారం ఈనెల 29, 30 తేదీల్లో ఉత్సవాల్ని నిర్వహిస్తారు. ఆ వేడుకల్లో భక్తులు పాల్గొనేందుకు వీలుండదు. కార్యక్రమాల్ని యూట్యూబ్‌లో ప్రసారం చేయనున్నందున భక్తులు ఆన్‌లైన్‌లో వీక్షించవచ్చని మఠం ప్రముఖులు తెలిపారు. రథోత్సవం, తెప్పోత్సవం, వ్యవసాయ మేళా, కుస్తీ పోటీలు, సాంస్కృతిక కార్యక్రమాలు, వివిధ రకాల పోటీలు ఉండవని స్పష్టం చేశారు. ముందు నిర్ణయించిన ప్రకారం ఈనెల 28 నుంచి వచ్చేనెల రెండు వరకు ఉత్సవాలు కొనసాగాలి. ప్రస్తుత పరిస్థితుల్లో ఉత్సవాల్ని నిర్వహించడం వల్ల అధిక సంఖ్యలో భక్తులు తరలిరానున్నందున కరోనా మరింతగా ప్రబలే ప్రమాదం ఉన్నందున రద్దు చేసినట్లు తెలిపారు.