రాజధానిలో హిజాబ్‌ సెగ

హిజాబ్‌తో వచ్చిన విద్యార్థినులతో మాట్లాడుతున్న అధికారులు

బెంగళూరు (శివాజీనగర), న్యూస్‌టుడే : మంగళూరు నుంచి హిజాబ్‌ వివాదం బెంగళూరులో అడుగు పెట్టింది. ఫ్రేజర్‌టౌన్‌ పరిధి సెయింట్‌ జాన్స్‌ చర్చి వీధిలోని ప్రముఖ విద్యాలయం.. నెహ్రూ ఆంగ్ల మాధ్యమ ఉన్నత పాఠశాలకు శనివారం కొందరు విద్యార్థినులు హిజాబ్‌ ధరించి వచ్చారు. తరగతులకు హాజరు కాకుండా పాఠశాల యాజమాన్యం వారిని అడ్డుకుంది. ఈ విషయాన్ని తెలుసుకున్న విద్యార్థినుల కుటుంబ సభ్యులతో పాటు శివాజీనగర ఎమ్మెల్యే రిజ్వాన్‌ అర్షద్‌ అక్కడకు చేరుకోవడంతో పరిస్థితి ఆసక్తికరంగా మారింది. ప్రభుత్వ, హైకోర్టు ఆదేశాలకు అనుగుణంగా పాఠశాల వరకు హిజాబ్‌తో రావచ్చని, తరగతి గదుల్లో హిజాబ్‌లను అనుమతించబోమని పాఠశాల యాజమాన్య ప్రతినిధులు తెలిపారు. దీంతో ఎక్కువ మంది విద్యార్థినులు ఇళ్లకు తిరిగి వెళ్లారు. అవాంఛనీయ ఘటనలకు తావివ్వకుండా పాఠశాల వద్ద పోలీసులు భద్రత కల్పించారు.

పాఠశాల ముంగిట ఎవరూ గుమికూడకుండా భద్రత కట్టుదిట్టం​​​​​​​