పాక్‌ అనుకూల నినాదాలతో కలకలం

బెంగళూరు (యశ్వంతపుర), న్యూస్‌టుడే : పాకిస్తాన్‌కు అనుకూలంగా నినాదాలు చేశాడనే ఆరోపణల నేపథ్యంలో మైకోలేఔట్‌ పోలీసులు పశ్చిమబెంగాల్‌కు చెందిన అంకుశ్‌ అనే యువకుడిని బంధించి విచారణ చేపట్టారు. హోటల్‌ మేనేజ్‌మెంట్‌ కోర్సు పూర్తి చేసి ఉద్యోగ నిమిత్తం ఆ యువకుడు నగరానికి వచ్చాడు. బీటీఎం లేఔట్‌ రెండో స్టేజిలో ప్రైవేట్‌ వసతి గృహంలో ఉంటున్నాడు. బుధవారం ఓ టీవీ సీరియల్‌ చూశాక.. బీటీఎం లేఔట్‌ రెండో స్టేజి రహదారిలో నిలబడి పాక్‌కు అనుకూలంగా నినాదాలు చేశాడంటూ కొందరు పోలీసులకు సమాచారం అందించారు. విషయం తెలిసిన వెంటనే ఆ యువకుడిని అదుపులోకి తీసుకుని విచారిస్తున్నారు.