ఆర్టీసీ సంక్రాంతి ఆదాయం రూ. 82.28లక్షలు

ఖమ్మం మయూరిసెంటర్‌, న్యూస్‌టుడే: టీఎస్‌ఆర్టీసీకి సంక్రాంతి పర్వదినాన్ని పురస్కరించుకొని నడిపిన ప్రత్యేక బస్సుల రూపేణ ఖమ్మం రీజియన్‌కు రూ.82.28లక్షల ఆదాయం వచ్చింది. గతేడాదితో పోలిస్తే రూ.22,22,854 తక్కువగా వచ్చింది. అయితే గతేడాది ప్రత్యేక సర్వీసులకు 50శాతం అదనపు ఛార్జీని ఆర్టీసీ అధికారులు వసూలు చేశారు. ఈ ఏడాది సంస్థ ఎండీ సజ్జనార్‌ ప్రత్యేక సర్వీసులకు సాధారణ ఛార్జీలు వసూలు చేయాలని నిర్ణయించడంతో ఆదాయంలో కోత పడినట్లైంది. సంక్రాంతి పండుగ కోసం ప్రత్యేక సర్వీసులు ఈనెల 7 నుంచి 14వ తేదీ వరకు హైదరాబాద్‌ నుంచి ఖమ్మం వైపు, 15వ తేదీ నుంచి 17వ తేదీ వరకు ఖమ్మం రీజియన్‌ నుంచి హైదరాబాద్‌ వైపు నడిచాయి.