విండో సేవలను రైతులు సద్వినియోగం చేసుకోవాలి

పాన్ గల్ : ప్రాథమిక వ్యవసాయ సహకార  పరపతి సంఘం ద్వారా అందిస్తున్న సేవలను  రైతులు సద్వినియోగం చేసుకోవాలని  డీసీసీబీ  డైరెక్టర్, విండో ఛైర్మన్ మామిళ్లపల్లి విష్ణువర్ధన్ రెడ్డి కోరారు. బుధవారం పాన్‌గల్  పీఏసీఎస్  మహాజన  సర్వ సభ సమావేశం సీఈవో భాస్కర్ గౌడ్ అధ్యక్షతన జరిగింది. ఈ సందర్భంగా ప్రాథమిక వ్యవసాయ సహకార పరపతి సంఘం ద్వారా అందిస్తున్న సేవలను వివరించారు. రైతులకు సకాలంలో  ఎరువులు, విత్తనాలు అందించడానికి సంఘం కృషి చేస్తుందన్నారు. ప్రభుత్వ సహకారంతో రైతుల అభ్యున్నతికి చేపట్టాల్సిన కార్యక్రమాలపై దృష్టి సారిస్తామన్నారు. సమావేశంలో వైస్ ఛైర్మన్ కుర్వ బాలయ్య, జడ్పీ కోఆప్షన్ మునిరొద్దీన్, మండల కోఆప్షన్ అలీమ్, డైరెక్టర్ లు ప్రసాద్ గౌడ్, జైపాల్ రెడ్డి, బాలరాజు తదితరులు పాల్గొన్నారు.