బీసీ గురుకులం @ 92.05 శాతం

ఇంటర్‌ ప్రథమలో 78.28 శాతం ఉత్తీర్ణత

ఉయ్యాలవాడ కళాశాలలో చదువుకుంటున్న విద్యార్థులు

అచ్చంపేట, న్యూస్‌టుడే : ఇంటర్మీడియట్‌ ఫలితాల్లో మహాత్మా జ్యోతిబాఫులె బీసీ గురుకుల కళాశాల విద్యార్థులు కార్పొరేట్‌ కళాశాలలకు ధీటుగా ఉత్తమ ఫలితాలు సాధించారు. ఉమ్మడి పాలమూరు జిల్లాలో బీసీ గురుకుల కళాశాల విద్యార్థులు ఇంటర్మీడియట్‌ ద్వితీయ సంవత్సరంలో 994 మంది విద్యార్థులు పరీక్ష రాయగా 915 మంది ఉత్తీర్ణత సాధించారు. మరో 79 మంది పరీక్ష తప్పారు. ఇంటర్‌ రెండో సంవత్సరంలో విద్యార్థులు 92.05 శాతం ఉత్తీర్ణతతో ప్రతిభను చాటారు. ప్రథమ సంవత్సరంలో 1,415 మంది విద్యార్థులు పరీక్ష రాయగా 1,090 మంది ఉత్తీర్ణత సాధించారు. ఉమ్మడి జిల్లాలో ఇంటర్‌ ప్రథమ విద్యార్థులు 78.28 శాతం ఉత్తీర్ణతను సాధించారు. వనపర్తి జిల్లా చిట్యాల బీసీ గురుకుల కళాశాల విద్యార్థులు ప్రథమ సంవత్సరంలో అన్ని గ్రూపుల్లో టాపర్లుగా నిలిచారని ఉమ్మడి మహబూబ్‌నగర్‌ జిల్లా ప్రాంతీయ సమన్వయకర్త వెంకట్‌రెడ్డి తెలిపారు.