భద్రత కట్టుదిట్టం చేయండి

యాదాద్రి ఆలయ ప్రాంగణాన్ని పరిశీలిస్తున్న డీసీపీ రాజేష్‌ చంద్ర తదితరులు

యాదగిరిగుట్ట పట్టణం, న్యూస్‌టుడే: యాదాద్రి శ్రీ లక్ష్మీ నరసింహ స్వామి దేవస్థానం పరిధిలో భద్రత చర్యలు, బందోబస్తు తీరును డీసీపీ రాజేష్‌ చంద్ర మంగళవారం పరిశీలించారు. దర్శన సముదాయాల నిర్వహణ, భక్తులు ఎక్కువగా ఉండే ప్రాంతాలలో కలియతిరిగారు. సీసీ కెమెరాలను, కమాండ్‌ కంట్రోల్‌ గదిని పరిశీలించారు. భద్రత సిబ్బంది, అధికారులతో మాట్లాడారు. బ్రహ్మోత్సవాలు ప్రారంభం కానున్న నేపథ్యంలో భద్రత చర్యలు కట్టుదిట్టం చేయాలని సూచించారు. అంతకుముందు యాదాద్రి శ్రీ లక్ష్మీ నరసింహ స్వామిని దర్శించుకొని పూజల్లో పాల్గొన్నారు. అనంతరం అర్చకులు వేదాశీర్వచనం చేసి, స్వామి వారి లడ్డూ ప్రసాదం అందజేశారు. ఆయన వెంట ఏసీపీ నర్సింహరెడ్డి, పోలీసు అధికారులున్నారు.