14 కిలోల కణితి తొలగింపు

తొలగించిన కణితిని చూపిస్తున్న వైద్యులు

జయపురం, న్యూస్‌టుడే: కొరాపుట్‌లో షాహిద్‌ లక్ష్మణ్‌ నాయక్‌ ఆసుపత్రిలో బుధవారం సాయంత్రం జరిగిన శస్త్రచికిత్సలో ఓ మహిళ పొట్టలో 14 కిలోల కణితిని తొలగించారు. డా.గోపాల్‌ నాయక్‌ నేతృత్వంలో, సర్జన్‌ డా.బాసుదేవ్‌ మరాండి, నర్సుల సహకారంతో దాదాపు గంటన్నర పాటు శస్త్రచికిత్స జరిగింది. రాయగడ జిల్లా, కాశీపూర్‌ సమితిలోని గుల్మిజోలా గ్రామానికి చెందిన సత్యబతి కడుపు నొప్పితో ఆసుపత్రిలో చేరిందని, ప్రసూతి, గైనకాలజీ విభాగం డా.జగదీశ్చంద్ర బెహరా పరీక్షలు చేయగా అండాశయంలో కణితి పెరుగుతున్నట్లు గుర్తించి, తొలగించినట్లు వెల్లడించారు. ప్రస్తుతం పరిస్థితి బాగానే ఉందని తెలిపారు.