పుండ్లు శుభ్రం చేసి.. ఔషధం రాసి

పుండ్లు శుభ్రం చేసి కట్టు కడుతున్న సంస్థ ప్రతినిధి

ఖరగ్‌పూర్‌, న్యూస్‌టుడే: పట్టణ జపాటాపూర్‌ ప్రాంతంలోని హనుమాన్‌ మందిర్‌ సేవా సమితి మరోసారి పెద్ద మనసు చాటుకుంది. శుక్రవారం సంస్థ ప్రతినిధి అశీమ్‌ చటర్జీ నేతృత్వంలో నింపురాలోని కుష్ఠు రోగుల కాలనీ నుంచి 150 మంది ప్రత్యేక వాహనంలో పట్టణానికి తీసుకొచ్చారు. అనంతరం అల్పాహారాలు అందజేశారు. ఆపై రోగుల పుండ్లు శుభ్రం చేసి, ఔషధాలు రాసి కట్టు కట్టారు. ముగ్గురికి ట్రై సైకిళ్లతో పాటు, అందరికీ కంబళ్లు పంపిణీ చేశారు. అనంతరం మధ్యాహ్నం భోజనం ఏర్పాటు చేసి మళ్లీ ప్రత్యేక వాహనంలో సురక్షితంగా వాళ్ల ఇళ్లకు చేర్చారు. ఈ కార్యక్రమానికి ప్రబీర్‌ గంగూలీ, మాజీ పురాధ్యక్షుడు రవిశంకర్‌ పాండే, వివేకానంద్‌ దాస్‌ చౌదరి, సోబన్‌ ఆచార్య, పోలూ దాసు గుప్తా, రంజిత్‌ బాదుడియా ఇతరులు అతిథులుగా హాజరై నిర్వాహకులను ప్రశంసించారు.