విద్యాభివృద్ధికే ప్రాధాన్యం

ఆమదాలవలస మండలం దన్నానపేట ప్రభుత్వ పాలిటెక్నిక్‌ కళాశాలలో వెన్నెలవలస వద్ద ప్రభుత్వం మంజూరు చేసిన పశుసంవర్థక పాలిటెక్నిక్‌ కళాశాల తాత్కాలిక తరగతి గదులను శాసన సభాపతి తమ్మినేని సీతారాం, పశుసంవర్థక శాఖ మంత్రి సీదిరి అప్పలరాజు బుధవారం ప్రారంభించారు. ఈ సందర్భంగా వారు మాట్లాడుతూ రాష్ట్ర ప్రభుత్వం విద్యాభివృద్ధికే ప్రాధాన్యం ఇస్తున్నట్లు చెప్పారు. ముఖ్యమంత్రి నాడు-నేడు పనుల ద్వారా ప్రభుత్వ బడులను కార్పొరేట్‌ స్థాయిలో తీర్చిదిద్దారని తెలిపారు. ఎమ్మెల్యే విశ్వరాయి కళావతి, కళింగ కోమటి కార్పొరేషన్‌ ఛైర్మన్‌ అందవరపు సూరిబాబు, మామిడి శ్రీకాంత్‌, కండాపు గోవిందరావు, వెంకటేశ్వర విశ్వవిద్యాలయ డీన్‌ సర్జన్‌రెడ్డి, పశుసంవర్థక పాలిటెక్నిక్‌ కళాశాల ప్రిన్సిపల్‌ తిరుపతిరావు, తదితరులు పాల్గొన్నారు.

- న్యూస్‌టుడే, ఆమదాలవలస గ్రామీణం