9 నుంచి జనసేన సమీక్షలు

నాలుగు రోజుల పాటు జిల్లాలోనే నాదెండ్ల మనోహర్‌

అరసవల్లి, న్యూస్‌టుడే: జనసేన బలోపేతానికి ఆ పార్టీ అధినేత పవన్‌కల్యాణ్‌ ప్రణాళికను సిద్ధం చేశారు. ఇందులో భాగంగా పార్టీ పొలిటికల్‌ ఎఫైర్స్‌ కమిటీ ఛైర్మన్‌ నాదెండ్ల మనోహర్‌ జిల్లాకు రానున్నారు. 9వ తేదీ నుంచి 12 వరకు నాలుగు రోజుల పాటు జిల్లాలోని అన్ని నియోజకవర్గాల ఇన్‌ఛార్జులు, పార్టీ నాయకులు, కార్యకర్తలతో వేర్వేరుగా సమావేశం కానున్నారు. జిల్లా కేంద్రంలోని ఓ హోటల్‌లో బస చేసి, నియోజకవర్గాలవారీగా సమీక్షలు జరపనున్నారు. స్థానిక సమస్యలు, పార్టీ బలోపేతానికి తీసుకోవాల్సిన చర్యలపై క్యాడర్‌తో మాట్లాడనున్నారు. పవన్‌కల్యాణ్‌ బస్సు యాత్రకు సంబంధించి జిల్లాలో పర్యటించనున్న ప్రాంతాల రూట్‌మ్యాప్‌ గురించి సైతం చర్చిస్తారని పార్టీ వర్గాలు తెలిపాయి.