మందుబాబులకు కష్టమే..!
సంతానం కలగకపోవడం చాలామందిలో ఉన్న సమస్య. వైద్యరంగంలో ఇదో పెద్ద చర్చ కూడా. ఈ కోణంలో పరిశోధనలు బాగా పెరుగుతున్నాయి. దేశంలో సంతానలేమి 3.9 శాతం నుంచి 16.8 శాతందాకా ఉన్నట్లు పరిశోధకులు చెబుతున్నారు. తమిళనాడులోనూ ఈ తరహా బాధితులున్నారు.
మద్యం బానిసల్లో సంతానోత్పత్తి సమస్య
చెన్నై పరిశోధనలో వెల్లడి
ఈనాడు- చెన్నై
సంతానం కలగకపోవడం చాలామందిలో ఉన్న సమస్య. వైద్యరంగంలో ఇదో పెద్ద చర్చ కూడా. ఈ కోణంలో పరిశోధనలు బాగా పెరుగుతున్నాయి. దేశంలో సంతానలేమి 3.9 శాతం నుంచి 16.8 శాతందాకా ఉన్నట్లు పరిశోధకులు చెబుతున్నారు. తమిళనాడులోనూ ఈ తరహా బాధితులున్నారు. ఈ నేపథ్యంలో చెన్నైలోని చెట్టినాడు అకాడెమీ ఆఫ్ రీసెర్చి అండ్ ఎడ్యూకేషన్, చెట్టినాడు సూపర్ స్పెషాలిటీ ఆసుపత్రి ఆధ్వర్యంలోని ఓ పరిశోధన బృందం ఈ కీలక సమస్యపై దృష్టిపెట్టింది. సంతానం లేకపోవడానికి తాగుడు కూడా ఓ ప్రధాన కారణమని నిరూపించింది. దీనిపై వీరు ఓ జర్నల్ను కూడా ప్రచురించారు.
ఇంతకీ ఏం చేశారు..?
ఏడాదిపాటు ప్రత్యేకంగా పరిశీలన జరిపారు. సంతానలేమి సమస్యలతో వచ్చిన కేసుల వివరాల్ని సేకరించడంతో పాటు వారితో మాట్లాడారు. ప్రత్యేకించి 231 మంది మగవారిపై వీరు పరిశోధన చేశారు. సంతానలేమి సమస్యకు తాగుడు ప్రధాన కారణమా కాదా? అని తేల్చేందుకు తమ సర్వేలో మద్యం తాగేవారిని 81 మందిని, మద్యం అలవాటులేనివారిని 150 మందిని తీసుకున్నారు. ఈ రెండువర్గాల వారికీ డబ్ల్యూహెచ్వో ప్రమాణాల ప్రకారం.. సీమెన్ (వీర్య), స్పెర్మ్ (వీర్యకణ) పరీక్షలు నిర్వహించారు. వచ్చిన ఫలితాల్ని విశ్లేషించడంతో పాటు కారణాలపై పరిశోధన చేశారు.
ఆల్కహాల్ ఎంతపని చేసింది..!
మద్యం అలవాటులేనివారితో పోల్చితే మద్యం తాగేవారిలో ఫలితాలు దారుణంగా వచ్చాయి. మద్యం తీసుకునేవారిలో వీర్యం పరిమాణం, వీర్యకణాల నాణ్యత బాగా తక్కువగా ఉన్నట్లు తేలింది. వీరిలో వీర్యకణాల వృద్ధి, వాటి సంఖ్య, చలనశీలతలు బాగా తగ్గిపోయాయని గుర్తించారు. ఎందుకిలా జరుగుతోందన్నదానిపై గత పరిశోధనల్నీ విశ్లేషించుకుని చూశారు. టెస్టోస్టిరాన్ హార్మన్లను విడుదలచేసే వృషణంలోని లెడిగ్ కణాలపై ఆల్కహాల్ ప్రభావం చూపుతుందని పరిశోధకులు చెబుతున్నారు. వీర్యం విడుదలకు కారణమయ్యే లూటినైజింగ్ హార్మోన్ (ఎల్హెచ్), ఫోలికల్ స్టిమ్యూలేటింగ్ హార్మోన్ (ఎఫ్ఎస్హెచ్)పైనా ఆల్కహాల్ ప్రభావముందని తెలిపారు. ఫలితంగా సంతానోత్పత్తి ప్రక్రియకు తీవ్ర ఆటంకం కలుగుతోందన్నారు. మద్యం తీసుకునే తీవ్రతను బట్టి పురుషుల వీర్యంలో, వీర్యకణాల్లో బలహీనతలు కనపడుతున్నాయన్నారు.
అతిగా తాగారు.. అనుభవిస్తున్నారు
సర్వేలో మద్యం తాగేవారు 21 నుంచి 52 ఏళ్ల వయసు మగవారు ఉన్నారు. వీరంతా పెళ్లయినవారే. ప్రధానంగా 31-40 ఏళ్ల మధ్యవారు మితిమీరి మద్యం తీసుకుంటున్నట్లు వెల్లడైంది. బీర్, వైన్, విస్కీ, బ్రాందీ తదితరాల్ని వీరు తాగుతున్నారు. సర్వేలో పాల్గొన్న 81 మంది మద్యంతాగేవారిలో 36 మంది రోజువారీ ఆల్కహాల్ తీసుకోవడానికి అలవాటుపడ్డారు. వీరి పరీక్షల ఫలితాల్లో వీర్యం పరిమాణం చాలాచాలా తక్కువగా ఉందని తేల్చారు. ఈ ప్రభావం దంపతులకు సంతానం లేకుండా చేస్తోందని పరిశోధకులు భావించారు.
జీవితాల్లో ‘ఆందోళన’ వద్దు
పస్తుత పరిశోధనలో సంతానోత్పత్తి లేకపోవడం మద్యం సేవించడం కూడా ప్రధాన కారణంగా భావిస్తున్నట్లు పరిశోధకులు పీజీ స్కాలర్ తనూజ లెళ్ల, ప్రొఫెసర్లు ఎ.రుక్మిణి, ఎన్.పాండియన్, ఆర్.అరుణ్కుమార్ తెలిపారు. మద్యానికి బానిసలుగా మారినవారిని మెల్లగా మాన్పించే ప్రయత్నం చేయాలని, లేకపోతే వారి జీవితాలు ఆందోళనకరంగా మారొచ్చని చెబుతున్నారు. సంతానం లేకపోవడమనేదే బాధాకర విషయమని వారు ఆవేదన చెందారు.
పరిశోధనలు పెరగాలి
పెళ్లయినవారిలో పిల్లలు పుట్టకపోవడానికి మగవారు కూడా ఓ కారణమేనని పరిశోధకులు చెబుతున్నారు. ఇందులో చాలారకాల కారణాలుంటాయని కూడా సూచిస్తున్నారు. ఇప్పటివరకు జరిగిన పరిశోధనల్ని బట్టి.. హార్మోన్ల సమస్య, పర్యావరణ పరిస్థితులు, మద్యం, పోగాకు తీసుకోవడం లాంటి కారణాలు కూడా ఉండొచ్చని చెబుతున్నారు. ఇలాంటివారిలో తక్కువ వయసప్పుడే బాగా బరువు పెరగడంగానీ, బాగా బరువు తగ్గడంగానీ జరుగుతూ ఉంటుందన్నారు. ఇప్పటిదాకా ఈ కోణంలో విదేశీ పరిశోధనలే ఎక్కువగా ఉన్నాయని, స్వదేశీవి చాలా తక్కువని చెప్పారు. దీనిపై ఇంకా పరిశోధన జరగాల్సి ఉందని సూచించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అమ్మాయిలు అదరగొట్టారు
[ 07-05-2024]
ప్లస్టూ పబ్లిక్ పరీక్షల్లో అమ్మాయిలు అదరగొట్టారు. అబ్బాయిల కన్నా ఎక్కువ ఉత్తీర్ణతశాతం సాధించారు. -
చిన్నారిపై పెంపుడు కుక్కల దాడి
[ 07-05-2024]
పార్కులో ఐదేళ్ల చిన్నారిపై రెండు పెంపుడు కుక్కలు దారుణంగా దాడిచేసిన ఘటన నగరంలో చోటుచేసుకుంది. -
ఠారెత్తిస్తున్న ఎండలు!
[ 07-05-2024]
రాష్ట్రవ్యాప్తంగా ఎండలు బాగా పెరిగాయి. చాలా జిల్లాలకు వాతావరణశాఖ హెచ్చరికలూ జారీ చేసింది. -
అంధ పాఠకులకు ప్రత్యేక యాప్
[ 07-05-2024]
సభ్యత్వం ఉన్న వారికి పుస్తకాలను అద్దెకిచ్చే పద్ధతిని ఇటీవల అన్నా సెంటినరీ గ్రంథాలయం ప్రారంభించిన విషయం తెలిసిందే. -
ప్లస్టూ ఫలితాల విడుదల
[ 07-05-2024]
మహానగర చెన్నై కార్పొరేషన్ పాఠశాల విద్యార్థులు 12వ తరగతి పబ్లిక్ పరీక్షల్లో 87.13 శాతం ఉత్తీర్ణత సాధించారని కమిషనర్ డాక్టర్ జె.రాధాకృష్ణన్ వెల్లడించారు. -
చర్చనీయంగా ఏ.ఆర్.రెహమాన్ పోస్టు
[ 07-05-2024]
దివంగత హాస్యనటుడు కుమరిముత్తు ఇచ్చిన ఓ ఇంటర్వ్యూ వీడియోను ప్రముఖ సంగీత దర్శకుడు ఏ.ఆర్.రెహమాన్ తన ఎక్స్ పేజీలో షేర్ చేశారు. -
వైద్య విద్యార్థుల మృతికి సీఎం సంతాపం
[ 07-05-2024]
కన్నియాకుమరి జిల్లా రాజాక్కమంగలంలోని సముద్రంలో మునిగి మృతి చెందిన వైద్య విద్యార్థుల ఘటనపై ముఖ్యమంత్రి స్టాలిన్ దిగ్భ్రాంతి వ్యక్తం చేశారు. -
విక్రవాండి ఉప ఎన్నికకు రంగం సిద్ధం!
[ 07-05-2024]
విళుపురం జిల్లా విక్రవాండి ఎమ్మెల్యే (డీఎంకే) మృతితో ఆ నియోజకవర్గం ఖాళీగా ఉందని రాష్ట్ర ఎన్నికల కమిషన్ ప్రకటించింది. -
ఇండియా కూటమిలో డీఎంకే ఉండి ప్రయోజనమేంటి?
[ 07-05-2024]
డీఎంకే ఇండియా కూటమిలో ఉన్నా రాష్ట్రానికి ప్రయోజనమేమి లేదని అన్నాడీఎంకే ప్రధాన కార్యదర్శి ఎడప్పాడి పళనిసామి అన్నారు. -
పెళ్లి వరకు వచ్చిన 8 ఏళ్ల ప్రేమ
[ 07-05-2024]
కళ్లకురిచ్చి జిల్లా ఉళుందూర్పేట సమీపం సిరుత్తనూర్ గ్రామానికి చెందిన గోవిందస్వామి ఏసు కుమార్తె రోస్లిన్ మేరీ (25) చెన్నైలోని ఓ ప్రైవేటు ఆసుపత్రిలో నర్సు. -
జయకుమార్ మృతిపై దర్యాప్తు ముమ్మరం
[ 07-05-2024]
తిరునెల్వేలి కాంగ్రెస్ తూర్పు జిల్లా అధ్యక్షుడు జయకుమార్ ధనసింగ్ మృతి వ్యవహారంలో పోలీసులు దర్యాప్తు ముమ్మరం చేశారు.
తాజా వార్తలు (Latest News)
-
నరైన్ నవ్వడెందుకు.. సహచరులు చెప్పిన విశేషాలు..!
-
25 ఏళ్లుగా ఇండస్ట్రీలో ఉంటున్నా.. ఇలా చేయడం బాధగా ఉంది: కరణ్ జోహార్
-
దేవకన్యలా జాన్వీకపూర్.. అందమైన ఫొటోతో దివి ప్రేమ
-
నేటి రాశి ఫలాలు.. 12 రాశుల ఫలితాలు ఇలా... (07/05/24)
-
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
-
గుడ్న్యూస్ చెప్పిన ‘ది ఫ్యామిలీ మ్యాన్’ టీమ్.. అది ఏంటంటే..