స్వాతంత్య్ర దిన వేడుకల్లో ఇళయరాజా

విద్యార్థులు, నిర్వాహకులతో ఇళయరాజా

ట్రిప్లికేన్‌, న్యూస్‌టుడే: చెన్నైలో ఇండియన్‌ కోస్ట్‌గార్డ్‌ ఎయిర్‌ బేస్‌ తరఫున 75వ స్వాతంత్య్ర దినోత్సవాన్ని పురస్కరించుకుని శుక్రవారం ప్రత్యేక కార్యక్రమాలు జరిగాయి. చెన్నై గిండిలో ఉన్న గాంధీ మండపంలో జరిగిన ఈ కార్యక్రమంలో ముఖ్య అతిథిగా ఎంపీ, సంగీత దర్శకుడు ‘ఇసై జ్ఞాని’ ఇళయరాజా పాల్గొన్నారు. చెన్నై వేెల్స్‌ యూనివర్సిటీ, నెహ్రూ ప్రభుత్వ మహోన్నత పాఠశాల, జయగోపాల్‌ కరోడియా ప్రభుత్వ బాలుర మహోన్నత పాఠశాలకు చెందిన వందమందికిపైగా విద్యార్థులు పాల్గొన్నారు. ఈ సందర్భంగా పాఠశాల, కళాశాల విద్యార్థుల కళా ప్రదర్శనలు కూడా జరిగాయి. కార్యక్రమంలో పాల్గొన్న విద్యార్థులకు జాతీయ జెండాలు, తదితరాలు అందించారు.