పురుగుల మందు తాగి యువకుడు ఆత్మహత్య

బొబ్బిలి గ్రామీణం: బొబ్బిలి మండలం రాముడివలసకు చెందిన ఓ యువకుడు పురుగుల మందు తాగి ఆత్మహత్య చేసుకున్న ఘటన శనివారం జరిగింది.  పోలీసులు తెలిపిన వివరాల ప్రకారం.. రాముడివలసకు చెందిన సాయికుమార్‌(23) కొన్నాళ్లుగా అనారోగ్యంతో బాధపడుతున్నాడు. ఈ క్రమంలో ఎన్ని మందులు వాడినా.. వ్యాధి తగ్గకపోవడంతో మనస్థాపానికి గరయ్యాడు. దీంతో గ్రామ శివారులో పురుగుల మందు తాగి అపస్మారకస్థితికి చేరుకున్నాడు..  గమనించిన స్థానికులు యువకుడిని బొబ్బిలి ప్రభుత్వాసుపత్రికి తరలించారు. అక్కడ చికిత్స పొందుతూ మృతి చెందాడు.. మృతుడి తండ్రి గంగులు ఇచ్చిన ఫిర్యాదు మేరకు కేసు నమోదు చేసినట్లు పోలీసులు తెలిపారు.