పండగకు చిన్నమ్మను తీసుకొస్తానని బయల్దేరి మృతి

పవన్‌(పాత చిత్రం)

పరకాల, న్యూస్‌టుడే: దసరాకు చిన్నమ్మను తీసుకొస్తానని చెప్పి  బయల్దేరిన ఓ యువకుడు కొద్ది గంటల వ్యవధిలోనే తిరిగి రాని లోకాలకు వెళ్లాడు. ఈ హృదయ విదారక ఘటన మంగళవారం జరిగింది.పోలీసుల కథనం ప్రకారం.. కమలాపూర్‌ మండలం దేశరాజుపల్లికి చెందిన కందుర్ల పవన్‌(21) సాఫ్ట్‌వేర్‌ ఉద్యోగి. రేగొండ మండలం గోరికొత్తపల్లిలో ఉంటున్న  చిన్నమ్మను పండగకు తీసుకురావడానికి ద్విచక్రవాహనంపై బయలుదేరాడు. పరకాలకు చేరుకున్న తర్వాత.. ఆమె బస్సు ద్వారా కమలాపూర్‌ చేరుకున్నానని ఫోన్‌ చేసింది. దీంతో అతను తిరిగి వెళ్తుండగా, ఆర్టీసీ డిపో వద్ద ఎదురుగా వెళ్తున్న బస్సుకు తగిలాడు. తలపై నుంచి టైరు వెళ్లడంతో మృతి చెందాడు. పండగ పూట మరణించడంతో అతని కుటుంబంలో విషాదం అలుముకుంది. సీఐ కిషన్‌, ఎస్సై ప్రశాంత్‌బాబు చేరుకుని మృతదేహాన్ని పరకాల సివిల్‌ ఆసుపత్రికి తరలించారు.