అటవీశాఖ ప్రత్యేక గస్తీ

బెరైటీస్‌ ప్రాంతాల్లో విధుల్లో ఉన్న అటవీశాఖ సిబ్బంది

గార్ల, న్యూస్‌టుడే: మండలంలోని నగరం, బాలాజీతండా, కోట్యానాయక్‌తండా, పోచారం పరిసరాల్లో ఉన్న బెరైటీస్‌ ఖనిజాల పరిరక్షణకు అటవీశాఖాధికారులు ప్రత్యేక గస్తీని ఏర్పాటు చేశారు.  ఈనెల 24వ తేదీన ‘ఈనాడు’లో ‘రాత్రి వేళల్లో తరలిస్తున్నారు..!’ శీర్షికన ప్రచురితమైన కథనానికి అటవీశాఖాధికారులు స్పందించారు. అటవీక్షేత్రాధికారి సువర్చలారెడ్డి ఆదేశాల మేరకు ఉప క్షేత్రాధికారి రమేష్‌ ఆధ్వర్యంలో సిబ్బందిని ఏర్పాటు చేశారు. ఇద్దరు వాచర్లు, బీట్‌ ఆఫీసర్‌ బెరైటీస్‌ ఖనిజాల పరిసరాల్లో విధుల నిర్వహణలను ప్రారంభించారు. మొత్తం ముప్పై మంది సిబ్బంది రొటేషన్‌ పద్ధతిలో బెరైటీస్‌, అటవీ పరిసరాల్లో విధులను నిర్వహిస్తున్నట్లు డీఆర్‌వో తెలిపారు.