64 అధ్యాపక పోస్టుల భర్తీకి అనుమతి

తిరుపతి(పశువైద్య వర్సిటీ), న్యూస్‌టుడే: తిరుపతిలోని శ్రీ వేంకటేశ్వర పశువైద్య వర్సిటీకి మంజూరై భర్తీకి నోచుకోని 64 అధ్యాపక పోస్టుల పూర్తికి రాష్ట్ర ప్రభుత్వం నుంచి అనుమతి లభించింది. తిరుపతి పశువైద్య కళాశాల, కృష్ణాజిల్లా గన్నవరం, వైఎస్‌ఆర్‌ జిల్లా ప్రొద్దుటూరుతో పాటు నూతనంగా ఏర్పాటు చేసిన విజయనగరం జిల్లా గరివిడి పశువైద్య కళాశాలల్లో ఖాళీగా ఉన్న 47 సహాయ అధ్యాపకులు, 17 సహ అధ్యాపకుల పోస్టుల భర్తీని దశలవారీగా పూర్తి చేయాలని రాష్ట్ర ప్రభుత్వం నిర్ణయిస్తూ ఉత్తర్వులు జారీ చేసింది. రూల్‌ ఆఫ్‌ రిజర్వేషన్‌పై ప్రభుత్వాన్ని స్పష్టత కోరామని.. అది రాగానే పోస్టులు భర్తీ చేయనున్నట్లు వర్సిటీ వీసీ వి.పద్మనాభరెడ్డి తెలిపారు.