అమ్మ నన్ను కొరికింది బాబోయ్‌: ఫన్నీవీడియో

అమ్మ అల్లరి.. కడుపుబ్బా నవ్వించే పాప వైఖరి

ఇంటర్నెట్‌ డెస్క్‌: అమ్మ చేసిన సరదా అల్లరికి.. చిన్నారి పాప ప్రతిస్పందన నెటిజన్లను తెగ ఆకట్టుకుంటోంది. దీనికి సంబంధించిన వీడియోను సామాజిక మాధ్యమాల్లో చూసిన వారు.. ముద్దొచ్చే చిన్నారి హావభావాలకు ఫిదా ఔతున్నారు. ఇంతకీ ఈ వీడియోలో ఏముందంటే..

ఈ వీడియోలో చిన్నారి జోసఫీన్‌, ఆమె తల్లి కెమేరా వైపు చూస్తుంటారు. ఈలోగా ఆ మహిళ చిన్నారి చేతి వేళ్లను కొరికినట్టు నటిస్తారు. బ్యాక్‌గ్రౌండ్‌లో కరకరా నమిలిన శబ్దం వినిపిస్తూ ఉంటుంది. అమ్మ ఏం చేసిందో అని తొలుత అయోమయానికి గురైన జోసఫీన్‌..  ఆమె నిజంగానే తన వేళ్లను తినేసిందనుకుంటుంది. ఆ తర్వాత బుంగమూతి పెట్టి, ఏడుపు మొదలెడుతుంది.

కాగా, ఈ దృశ్యం చూసి నవ్వకుండా ఉండటం అసాధ్యమని పలువురు కామెంట్లు పెడుతున్నారు. పాప రియాక్షన్‌ చాలా క్యూట్‌గా ఉందని ఒకరంటే.. నాకు నీ ముక్కు కావాలి అని మరొకరు హాస్యమాడారు. కాగా, తన వేలిని కొరికినందుకు చిన్నారి జోసఫీన్‌ ఇప్పటికీ కోపంగానే ఉందని ఆ మహిళ అంటున్నారు. ఇక అమ్మ అల్లరిని, అమ్మాయి రియాక్షన్‌ను చూడాలంటే ఈ వీడియోను చూడాల్సిందే మరి!

ఇవీ చూడండి

సింహం.. తీసింది కూనిరాగం..

 అది మాత్రం వద్దన్న సల్మాన్‌ ఖాన్‌