CM Jagan: జగన్‌ మైదుకూరు పర్యటన.. పోలీసుల అత్యుత్సాహం

మైదుకూరు: సీఎం జగన్‌ ఎక్కడికి వెళ్తే అక్కడ స్థానికులకు కష్టాలు తప్పడం లేదు. ముఖ్యమంత్రి వస్తున్నారంటే చాలు.. ఆంక్షల పేరుతో పోలీసులు ముప్పు తిప్పలు పెడుతున్నారు. జగన్‌ సోమవారం వైయస్‌ఆర్‌ జిల్లా మైదుకూరులో పర్యటిస్తున్నారు. ఇవాళ మధ్యాహ్నం ఆయన ఓ వివాహ వేడుకలో పాల్గొనాల్సి ఉంది. అయితే, అక్కడ ఉదయం నుంచే ట్రాఫిక్‌ ఆంక్షలు మొదలయ్యాయి. బద్వేల్‌ రోడ్డులో రాకపోకలు నిలిపివేశారు. ద్విచక్రవాహనాలను సైతం అనుమతించకపోవడంతో వాహనదారులు తీవ్ర ఇబ్బందులకు గురయ్యారు. ఈ క్రమంలో ఓ కానిస్టేబుల్‌ అత్యుత్సాహం ప్రదర్శించారు. విలేకరి పట్ల దురుసుగా ప్రవర్తించారు. ఉద్యోగానికి ఆలస్యం అవుతుందని చెబుతున్నా వినిపించుకోలేదు. మీసం మెలేస్తూ దుర్భాషలాడారు. పోలీసుల తీరుతో వివాహవేడుకకు వచ్చిన వారు సైతం ఇబ్బంది పడ్డారు.