ఆ నదిలో పాల ప్రవాహం

వేల్స్‌: యూకేలోని ఓ నదిలో పాలు ప్రవహించాయి. వినడానికి కొంచెం ఆశ్చర్యంగా ఉన్నప్పటికీ, వేల్స్ నగరంలో ఈ ఘటన చోటుచేసుకుంది. అక్కడున్న దులైస్ నదిలో అకస్మాత్తుగా ఏప్రిల్ 14 నుంచి పాల ప్రవాహం మొదలైంది. ఈ ఘటనతో ఆశ్చర్యానికి గురైన స్థానికులు ఏమైందా అని ఆరాతీస్తే అసలు నిజం వెలుగుచూసింది. దులైస్ నదికి సమీపంలో ఓ భారీ పాల ట్యాంకర్ బోల్తా పడి అందులోని 28 వేల లీటర్ల పాలు వరదలా పోటెత్తి నదిలోకి ప్రవహించాయి. దీంతో.. దులైస్ నది క్షీర ప్రవాహాన్ని తలపించింది. ప్రస్తుతం ఈ వీడియో నెట్టింట వైరల్ అవుతోంది.