చెడు కొవ్వును కరిగించి.. మంచి కొవ్వును పెంచుకుని..
అన్ని విషయాల్లో మంచి, చెడు ఉన్నట్లే.. కొవ్వుల్లోనూ మనకు మంచి చేసేవి, చెడు చేసేవి ఉన్నాయి. చెడు కొవ్వుల్ని ఎల్డీఎల్ అని, మంచి కొవ్వుల్ని హెచ్డీఎల్ అని పిలుస్తారు. మన రక్తంలో చెడు కొలెస్ట్రాల్ తక్కువగా ఉండాలి, మంచి కొలెస్ట్రాల్ ఎక్కువగా ఉండాలి....
గుండెపోటుకు అడ్డుకట్ట వేసే అవకాశం
ఇంటర్నెట్ డెస్క్: కొవ్వులంటే మనకు భయం. అవి గుండెకు ఎక్కడ చేటు చేస్తాయేమోనని భయపడతాం. నడి వయసు దాటాక ఆహారంలో కొవ్వు పదార్థాలను చాలా వరకూ తగ్గించేస్తుంటాం. నిజానికి అన్ని విషయాల్లో మంచి, చెడూ ఉన్నట్లే.. కొవ్వుల్లోనూ మనకు మంచి చేసేవి, చెడు చేసేవి ఉన్నాయి. చెడు కొవ్వుల్ని ఎల్డీఎల్ అని, మంచి కొవ్వుల్ని హెచ్డీఎల్ అని పిలుస్తారు. మన రక్తంలో చెడు కొలెస్ట్రాల్ తక్కువగా ఉండాలి, మంచి కొలెస్ట్రాల్ ఎక్కువగా ఉండాలి. అప్పుడే గుండె ఆరోగ్యంగా ఉంటుంది. మరి మంచి కొలెస్ట్రాల్ పెరగడానికి మనం ఏం తినాలి.. ఎలాంటి జాగ్రత్తలు తీసుకోవాలి.. మంచి కొవ్వును పెంచుకునే మార్గాల గురించి తెలుసుకుందాం..
ఎన్నో సమస్యలకు మూలస్తంభం.. స్థూలకాయం
మధుమేహం నుంచి మొదలుపెడితే అధిక రక్తపోటు, గుండె జబ్బులు, థైరాయిడ్, మోకాళ్ల నొప్పులు ఇలా చెప్పుకొంటూ పోతే ఎన్నో సమస్యలకు కారణం స్థూలకాయమే. అయితే దీనికి కారణం శరీరంలో కొవ్వు కొండలా పేరుకుపోవడమే. ఇలా శరీరంలో కొవ్వు పేరుకుపోతే అది రక్తంలో కొలస్ట్రాల్ స్థాయిని కూడా పెంచుతుంది. అయితే మనం లిపిడ్ ప్రొఫైల్ అనే రక్త పరీక్ష చేయించినప్పుడు ఆ పరీక్షలో మంచి కొలెస్ట్రాల్ (హెచ్డీఎల్), చెడు కొలెస్ట్రాల్ (ఎల్డీఎల్) అనే వాటి గురించి వింటుంటాం. ఇటీవలి కాలంలో ఆహార పద్ధతులు, శారీరక వ్యాయామం గాడితప్పడంతో చాలా మందిలో చెడు కొలెస్ట్రాల్ పెరిగిపోతోంది. దాని వల్లే రక్తనాళాల్లో బ్లాక్లు ఏర్పడుతుంటాయి. అయితే హెచ్డీఎల్ పెంచుకుంటే అది గుండెకు రక్షణ కవచంగా నిలుస్తుందని డాక్టర్లు పేర్కొంటారు. హెచ్డీఎల్ ఎంత ఎక్కువగా ఉంటే శరీరానికి అంత మంచిది. దీని వల్ల గుండె నొప్పి రాకుండా ఉంటుంది.
నీలిరంగు, కూరగాయలు, పండ్లు ఉపయుక్తం
ఎల్డీఎల్ వల్ల గుండె జబ్బులే కాకుండా మూత్రపిండాల వ్యాధి, పక్షవాతం వచ్చే అవకాశాలు ఉంటాయి. ఈ కొలెస్ట్రాల్ అసమానతల వల్ల వచ్చే సమస్యను వైద్య పరిభాషలో డిస్లిపిడేమియా అని పిలుస్తారు. రక్తనాళాల్లో కొవ్వు పెరిగితే గుండెకు హానికరం అని తెలిసిందే. అందుకే చెడు కొలస్ట్రాల్ను ఎప్పుడూ నియంత్రణలో ఉంచుకోవాలి. అదే సమయంలో మంచి కొవ్వును పెంచుకోవడం కూడా అంతే ప్రధానం. మంచి కొలెస్ట్రాల్ మరీ తక్కువగా ఉంటే రక్తనాళాల్లో పూడికలు తెచ్చే అథెరోస్ల్కీరోసిన్ వ్యాధి, గుండెపోటు రావచ్చని డాక్టర్లు చెబుతారు. అందుకే మంచి కొవ్వును పెంచుకునేందుకు ప్రయత్నించాలి. నీలిరంగులో ఉండే కూరగాయలు, పండ్లు తీసుకుంటే హెచ్డీఎల్ పెరిగే అవకాశం ఉంటుంది. వంకాయ, బ్లూబెర్రీ, బ్లాక్ బెర్రీస్తో మంచి కొలస్ట్రాల్ పెరుగుతుంది.
పీచు పదార్థాలు, నిత్య వ్యాయామం
చెడు కొవ్వును నియంత్రణంలో ఉంచి, మంచి కొవ్వును పెంచుకోవడానికి పీచు ఎక్కువగా ఉండే ఆకుకూరలు, కాయగూరలు.. కాల్షియం ఎక్కువగా ఉండే పాలు, గుడ్లు, చేపలు, పండ్లను ఎక్కువగా తీసుకోవాలి. నిత్యం వ్యాయామం చేయాలి. ధూమపానం, మద్యపానం లాంటి అలవాట్లకు దూరంగా ఉండాలి. ఒమేగా-3 కొవ్వులు.. ఓట్స్, గ్రీన్ టీ, ఆలివ్ నూనె, అవిసె గింజలు, గుమ్మడి గింజలు, మొలకెత్తిన ధాన్యాలు ఇవన్నీ మన రక్తంలో మంచి కొవ్వును పెంచుతాయి. వీటిని మన ఆహారంలో ఒక భాగంగా చేసుకోవాలి. ఏదైనా ఒక డైట్ని, వ్యాయామాన్ని పాటించే ముందు పోషకాహార నిపుణుల సలహా తీసుకుని అనుసరించడం మంచిది. దానివల్ల అధిక ప్రయోజనాలు ఉంటాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈనాడు.నెట్లో టాప్ 10 వార్తలు @ 5PM
ఈనాడు.నెట్ లోని ముఖ్యమైన పది వార్తలు మీ కోసం... -
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ
సీబీఐ మాజీ జేడీ వీవీ లక్ష్మీనారాయణ సంచలన ఆరోపణలు చేశారు. -
అవసరమైతే తప్ప బయటకు రావొద్దు: వాతావరణశాఖ
రాష్ట్రంలో 3 రోజుల పాటు కొన్ని జిల్లాల్లో అక్కడక్కడా వడగాల్పులు వీచే అవకాశం ఉందని వాతావరణశాఖ హెచ్చరించింది. -
ఈనాడు.నెట్లో టాప్ 10 వార్తలు @ 1 PM
ఈనాడు.నెట్ లోని ముఖ్యమైన పది వార్తలు మీ కోసం... -
శ్రీశైలంలో వైభవంగా భ్రమరాంబాదేవి కుంభోత్సవం
అష్టాదశ శక్తి పీఠక్షేత్రమైన శ్రీశైలం(Srisailam)లో కుంభోత్సవం వైభవంగా ప్రారంభమైంది. శ్రీ భ్రమరాంబాదేవి అమ్మవారి ఆలయాన్ని నిమ్మకాయలతో అలంకరించారు. -
ఈనాడు.నెట్లో టాప్ 10 వార్తలు @ 9 AM
ఈనాడు.నెట్ లోని ముఖ్యమైన పది వార్తలు మీ కోసం... -
జగన్ మామయ్యా.. పాఠశాలల గోడు వినవయ్యా
నాడు- నేడుతో సర్కారు బడుల రూపు రేఖలు మార్చేశామని చెబుతున్నా.. చాలా పాఠశాలల్లో అదనపు తరగతి గదులు లేక విద్యార్థులు ఇబ్బంది పడుతున్నారు. -
మూడో దశ.. మాటే లేదు
గుంటూరు నగరంలో ట్రాఫిక్ రద్దీ తగ్గించడంతో పాటు చుట్టూ ప్రధాన రహదారులను కలుపుతూ చేపట్టిన మహాత్మాగాంధీ ఇన్నర్ రింగ్ రోడ్డులో మూడో దశ నిర్మాణం అర్ధంతరంగా ఆగిపోయింది. -
అడిగే వారేరి... ఆపేవారేరి?
జిల్లా కేంద్రమైన అనకాపల్లిలో స్థలాలకు విపరీతమైన డిమాండ్ పెరిగింది. ముంపు ప్రాంతాల్లో అనుమతులు లేకుండా లే అవుట్లు వేస్తున్నారు. -
నేటి రాశి ఫలాలు.. 12 రాశుల ఫలితాలు ఇలా... (26/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు.
తాజా వార్తలు (Latest News)
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
ఆల్విన్ ఫార్మా పరిశ్రమలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్
-
కావ్యా మారన్పై మీమ్స్.. విరాట్పై సోడా బాటిల్ జోక్స్
-
ఫోన్ ట్యాపింగ్ కేసులో నిందితుల బెయిల్ పిటిషన్లపై తీర్పు