12 గంటల్లో 31 గుడ్లు పెట్టిన కోడి

సాధారణంగా ఒక కోడి రోజుకు ఒకటి లేదా రెండు గుడ్లు పెడుతుంది? ఉత్తరాఖండ్‌లో ఓ కోడి ఏకంగా 31 గుడ్లు పెట్టింది. అదీ కేవలం 12 గంటల్లోనే. అల్మోరా జిల్లా బాసోత్‌ గ్రామానికి చెందిన గిరీశ్‌ చంద్ర బుధాని వద్ద ఒక కోడి ఉంది. అది ఇటీవల రోజుకు రెండు గుడ్లు చొప్పున పెట్టింది. ఈ నెల 25న ఉదయం 10 గంటల నుంచి రాత్రి 10 గంటల వరకు 31 గుడ్లు పెట్టిందని గిరీశ్‌ తెలిపారు. కోడిని పరిశీలించేందుకు గిరీశ్‌ ఇంటికి వచ్చిన పశుసంవర్ధక శాఖ అధికారులు వివరాలు తెలుసుకుని ఆశ్చర్యం వ్యక్తం చేశారు. ఈ విషయం తెలిసి కోడిని చూడడానికి ప్రజలు పెద్ద సంఖ్యలో గిరీశ్‌ ఇంటికి వస్తున్నారు.