శవపేటికలో మద్యం అక్రమ రవాణా

బిహార్‌లో మద్యం అక్రమ రవాణాకు పాల్పడుతున్నవారు కొత్త ఎత్తుగడకు తెరతీశారు. పోలీసుల కన్నుగప్పడానికి శవపేటికలో మద్యం సీసాలు ఉంచి, వాటిని తరలించేందుకు అంబులెన్స్‌ను ఉపయోగించారు. గయలో ఎక్సైజ్‌ పోలీసుల తనిఖీల్లో ఈ బండారం బయటపడింది. శవపేటికలో ఉంచిన 212 విదేశీ మద్యం సీసాలను వారు స్వాధీనం చేసుకున్నారు. ఇద్దరు నిందితులు మద్యాన్ని ఝార్ఖండ్‌ రాజధాని రాంచీ నుంచి ముజఫర్‌పుర్‌కు తరలిస్తున్నారని పోలీసులు తెలిపారు. నిందితులు ఝార్ఖండ్‌కు చెందినవారని చెప్పారు.