Published : 16/11/2021 23:19 IST

సన్మాన వేదికపై రాజస్థాన్‌ సీఎంకు చేదు అనుభవం

జైపుర్‌: ‘అనుకున్నదొక్కటీ..  అయింది ఒక్కటీ... బోల్తా కొట్టిందిలే..’  పాటను గుర్తుచేసేలా ఉంది రాజస్థాన్‌లో జరిగిన ఈ  ఘటన. అవును మరి! సీఎం ఉపాధ్యాయులను సన్మానించడానికి వస్తే.. అక్కడున్న ఉపాధ్యాయులు సన్మానం కాదు ముందు మా సమస్యలు పరిష్కరించండంటూ ఆవేదనను వెళ్లగక్కారు. ఇదంతా మంగళవారం రాజస్థాన్‌ రాజధాని జైపుర్‌లో నిర్వహించిన ఉపాధ్యాయుల గౌరవ సభలో జరిగింది.

‘‘సీఎం సార్‌.. ఇక్కడ పరిస్థితులు వేరేగా ఉన్నాయి. టీచర్లు బదిలీ కావాలన్నా, కొత్త పోస్ట్‌ రావాలన్నా స్థానిక ఎమ్మెల్యేలకు లంచమివ్వాల్సిందే ’’అంటూ రాజస్థాన్‌ సీఎం అశోక్‌ గెహ్లోత్‌కు చెప్పారు ఉపాధ్యాయులు. ఇదే సభలో రాష్ర్ట  విద్యాశాఖ మంత్రి గోవింద్‌ దోట్‌సార, ఇతర ఎమ్మెల్యేలు కూడా ఉన్నారు. వారందరి ముందే మీరు చెప్పేదంతా నిజమేనా అని సీఎం ప్రశ్నించగా.. నిజమేనన్నారు అక్కడ ఉన్న ఉపాధ్యాయులంతా. మీ పాలనలో ఇదంతా జరుగుతుందంటూ చెప్పేసరికి సభలో సీఎం అసహనం వ్యక్తం చేశారు. ‘‘బదిలీ కోసం టీచర్లు లంచాలు ఇవ్వడమనేది చాలా దురదృష్టకం. ఇలాంటి విధానాలకు చెక్‌ పెట్టేందుకు ఓ విధానాన్ని తీసుకొస్తాం’’ అన్నారు. సీఎం ప్రసంగం అనంతరం విద్యాశాఖ మంత్రి గోవింద్ మాట్లాడుతూ.. ‘‘ఈ విధానం అమలుతో లంచం ఇవ్వాల్సిన అవసరం ఉండదు’’ అని హామీ ఇచ్చారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని