Bigg Boss Telugu 5: దిమ్మతిరిగే ప్రశ్నలడిగిన ప్రేక్షకులు.. హౌస్‌మేట్స్‌ సమాధానం ఏంటి?

హైదరాబాద్‌: తమను గెలిపించాలని కోరుతూ ప్రేక్షకులను ఓటు అడిగే అవకాశం ఇంటి సభ్యులకు ఇచ్చాడు బిగ్‌బాస్‌ ‌(Bigg boss telugu 5). అయితే, స్పెషల్‌ టాస్క్‌ల్లో పాల్గొని అలరించిన వారికే ఆ అవకాశం దక్కుతుంది. ఇందులో భాగంగా సినీ నటుల గెటప్‌లు ధరించి వారిని అనుకరించాలని బిగ్‌బాస్‌ ఆదేశించాడు. దీంతో చిరంజీవిగా శ్రీరామ్‌, బాలకృష్ణగా సన్నీ, శ్రీదేవిగా కాజల్‌, పవన్‌ కల్యాణ్‌గా మానస్‌, జెనీలియాగా సిరి, సూర్యలా షణ్ముఖ్‌ గెటప్‌లు ధరించారు. ఈ క్రమంలో వీరందరూ కలిసి ఓ టాస్క్‌ చేయాల్సి వచ్చింది. తన ఉంగరం పోయిందంటూ శ్రీదేవి గెటప్‌లో ఉన్న కాజల్‌ అమాయకంగా అడగటం, అందుకు పోలీస్‌ ఆఫీసర్‌ సూర్య గెటప్‌లో ఉన్న షణ్ముఖ్‌ గద్దించడం నవ్వులు పూయించింది. ఈ క్రమంలో బాలయ్య గెటప్‌లో ఉన్న సన్నీ తీర్పు చెప్పే ప్రయత్నం చేయగా, ‘సూర్యను ఇంప్రెస్‌ చేస్తే అంగుళీకం లభిస్తుంది’ అని అనగా.. సిరి వెంటనే షణ్ముఖ్‌ను హగ్‌ చేసుకుంది. అది చూసి కాజల్‌ ‘అయ్‌పాయే’ అనడం, ఆ తర్వాత ఇంటి సభ్యులందరూ ఆనందంతో డ్యాన్స్‌  చేయడం అలరిస్తోంది. ఇక హౌస్‌మేట్స్‌ కోసం ప్రేక్షకులు అడిగిన ప్రశ్నలను బిగ్‌బాస్‌ డిస్‌ప్లే చేశాడు. మరి వాటికి హౌస్‌మేట్స్‌ సమాధానం ఏంటో తెలియాల్సి ఉంది.

► Read latest Cinema News and Telugu News