Bimbisara: యుద్ధం మీద పడితే!

‘‘ఓ యుద్ధం మీద పడితే ఎలా ఉంటుందో చూస్తారు’’ అంటున్నారు కల్యాణ్‌ రామ్‌ (Kalyanram). ఆయన హీరోగా వశిష్ఠ్‌ తెరకెక్కించిన చిత్రం ‘బింబిసార’ (Bimbisara). ఏ టైమ్‌ ట్రావెల్‌ ఫ్రమ్‌ ఈవిల్‌ టు గుడ్‌.. అన్నది ఉపశీర్షిక. ఎన్టీఆర్‌ ఆర్ట్స్‌ పతాకంపై కె.హరికృష్ణ నిర్మించారు. కేథరీన్‌, సంయుక్తా మేనన్‌ కథానాయికలు. ఈ సినిమా ఆగస్టు 5న ప్రేక్షకుల ముందుకు రానుంది. ప్రచార కార్యక్రమాల్లో భాగంగా జులై 4న ట్రైలర్‌ విడుదల చేయనున్నారు. ఈ విషయాన్ని చిత్ర బృందం శుక్రవారం అధికారికంగా ప్రకటించింది. ‘‘వర్తమానానికి చరిత్రకు ముడిపెడుతూ ఓ విభిన్నమైన సోషియో ఫాంటసీ చిత్రంగా రూపొందించారు. ఇందులో కల్యాణ్‌ రామ్‌ రెండు భిన్నమైన పాత్రల్లో కనిపించనున్నారు. గ్రాఫిక్స్‌, పోరాట ఘట్టాలు ప్రధాన ఆకర్షణగా నిలవనున్నాయి’’ అని చిత్ర వర్గాలు తెలిపాయి. సంగీతం: చిరంతన్‌ భట్‌, నేపథ్య సంగీతం: ఎం.ఎం.కీరవాణి, కూర్పు: తమ్మిరాజు, ఛాయాగ్రహణం: ఛోటా కె.నాయుడు.